زيزو: لحظات الخوف تجعلنا نراجع أنفسنا

وجه أحمد سيد زيزو، لاعب النادي الأهلي ومنتخب مصر، رسالة مؤثرة بعد زلزال الفجر الذي شعر به عدد من المواطنين، متحدثًا عن أثر لحظات الخوف في تذكير الإنسان بحقيقة الحياة واللجوء إلى الله.

وقال زيزو عبر حسابه على انستجرام: ثواني من الخوف كانت كفاية إن الدنيا بكل اللي فيها تصغر في عين الناس، وإن كل واحد يفتكر إن في النهاية مفيش ملجأ غير ربنا.

وأضاف: الحياة أقصر من إننا نعيشها في خصام وظلم وغضب، وأقصر من إن الدنيا تشغلنا عن اليوم اللي كلنا رايحين له.

وتابع: اشتغل واسعى واحلم، لكن ماتنساش وأنت بتبني دنيتك إنك تبني لآخرتك، وما تأجلش توبة ولا خير تقدر تعمله، ولا حق تقدر ترجعه.

واختتم: يمكن ربنا يرسل لنا لحظات زي دي مش بس عشان نخاف، لكن عشان نفوق ونراجع نفسنا، ونفهم إن وجود فرصة تانية في حد ذاته نعمة"، داعيًا الله أن يحفظ الجميع ويحسن خاتمتهم.