داليا البحيري عن عملها مع الزعيم عادل إمام: اللي مع الكبير بيكبر

كشفت الفنانة داليا البحيري، عن كواليس تعاونها مع الزعيم عادل إمام، وذلك في فيلم السفارة في العمارة، ومن ثم مسلسل فلانتينو، وعبرت عن فخرها الكبير بتعاونها مع الزعيم واصفة إياه بالهرم الرابع.

وقالت داليا البحيري، في لقائها مع الإعلامية مريم أمين، في برنامج من ماسبيرو، المذاع عبر شاشة القناة الأولى: محصلش أن اتعرض عليا دور تاني غير اللي قدمته، هو كان الدور التاني ولكن البطلة الأساسية قدام أستاذ عادل إمام، أنتي عارفة يعني إيه تقفي قدام أسد تمثلي؟، بس في مقولة إنجليزية بتقول لما تقفي جنب بوق الأسد هتاخدي كتير.

وتابعت: هو شخصية استثنائية علشان كده هو في الحتة اللي هو فيها، هو اللي كان محتضني وطول الوقت بيحاول يخفف الأمور، لأني كنت حاسة بمسؤولية رهيبة أني بطلة قدام أستاذ عادل إمام، الهرم الرابع.

وأضافت داليا بالحيري: كنت بحفظ دوري ومبسيبش أي مساحة للارتجال لأني كنت خايفة أضايقه أو أعطله بأي شكل من الأشكال، لأن أي لوكيشن فيه عادل إمام بيبقى كل واحد فيه عارف هو بيعمل إيه، وفعلًا أكتر عمل ارتاحت فيه كان فيلم السفارة في العمارة، كل حاجة فيه كانت ماشية بالساعة، فأنا كسبت كتير من وقفتي قدام أستاذ عادل إمام، لأن اللي مع الكبير بيكبر.