جوري بكر: "مين أنتوا عشان تحكموا على علاقتي بربنا "

 خرجت الفنانة جوري بكر عن صمتها لترد على التعليقات الموجهة لها عن علاقتها بربنا، وعن إنتماءها الدين وغيره، وذلك من خلال منشور عبر حسابها الرسمي على موقع تبادل الصور والفيديوهات إنستجرام.

وقالت جوري بكر في منشورها: “بجد بقى كفاية، مين انتوا عشان تحكموا على علاقتي بربنا، مين اداكم الحق تقرروا إن عمرة حد اتقبلت ولا لا، إنتوا بقيتوا قضاة فجأة، ولا شايفين نفسكم أوصياء على الناس، اللي بيني وبين ربنا حاجة تخصني أنا وبس، لا أنت شايف قلبي ولا عارف نيتي، ولا شفت دموعي ولا دعائي، الدين مش شتيمة ولا إهانة ولا تكفير للناس، الدين أخلاق ورحمة وستر، قبل ما تحاسبوا غيركم حاسبوا نفسكم الأول، وقبل ما تتكلموا عن ربنا، اتعلموا أن ربنا هو الوحيد الله له الحكم، أنا مش محتاجة تقييم من حد واللي مش عاجبه ببساطة يتكلم عن نفسه ويسيب الناس في حالها”.

واختتمت جوري بكر حديثها قائلة: “محدش يقولي شيلي البوست، محدش يقولي كبري دماغي محدش يقولي أسكتي، أنا خلاص قرفت وفاض بيا من الأشكال القذرة دي، وأي مخلوق هيدخل يهين فيا، أو بتسبب لي في أي أذى نفسي هلجأ للقضاء، شكرًا”.