انفصال المطرب رامي جمال عن زوجته
أعلنت المطربة ناريمان عن خبر انفصالها عن زوجها المطرب رامي جمال، بعد قصة حب دامت سنوات طويلة.
علقت ناريمان في منشور لها عبر خاصية «الأستوري»، على حسابها الرسمي بموقع الصور والفيديو «إنستجرام»: «تم الطلاق بيني وبين رامي، أتمناله كل الخير ويكون سعيد في حياته الجديدة، وأتمنى لنفسي كمان الخير والسعادة».
علما ان أن المطربة ناريمان لم تتعاون مع زوجها المطرب رامي جمال، الا في ديو غنائي بعنوان «مش ملاحظ حاجة»، والذي طرح ضمن ألبومه «أنا لوحدي» عام 2020.
رسالة زوجة رامي جمال قبل الطلاق
علما بأن قد كتبت ناريمان قبل الطلاق رسالة مؤثرة تعبر فيها عن شعورها لفقد احبابها وجاء فيها:" بعد ما بيروح منك حد بتحبه بتحس انك فى حتة من روحك ماتت حاجات كتير جواك بتموت ومستحيل ترجع تانى بتحس انك متقدرش تضحك ولا تفرح ولا تنسى انا كل ما اجى ابتسم افتكر كل ما اجى اضحك افتكر حاسة انى مينفعش ابتسم او اضحك تانى حاسة انى عمرى ما هرجع زى الاول ولا يوم هعرف احس انى فرحانة مهما حصل هتفضل كل حاجة ناقصة و بتوجع لحد دلوقتى مش عارفة استوعب ولا اصدق لكن بحاول اقوى و اقاوم الاحساس دا بس فعلا اد ايه الموت دا مرعب والمرعب اكتر الرعب اللى بتحس بى بعد كل مرة بتفقد فيها حد بتحبه و تعيش طول العمر مرعوب تحس الاحساس دا تانى وتعيش خايف على كل اللى بتحبهم و موجوع على اللى راحوا، حكمتك يارب اللهم ارحمنا برحمتك يا ارحم الراحمين، اسفة على الطاقة السلبية بس بحس انى بفضفض معاكوا لما بتكلم.
اخر أعمال رامي جمال
وكانت أغنية "مش حبايب آخر أعمال الفنان رامي جمال و تم إصدارها يوم 13 يناير الماضي عبر قناته الرسمية على يوتيوب، وحققت الأغنية منذ طرحها وحتى الآن أكثر من 2 مليون مشاهدة، وهي من كلمات محمد أبو نعمة، وألحان رامي جمال، وتوزيع كريم عبد الوهاب
رامي جمال والمطرب النقاش
قام رامي جمال بنشرفيديو له، وتحدث فيه قائلًا: “أحمد فنان بدرجة مشوفتهاش في حياتي، ربنا كاتب له قبول، والناس بتحبه وبتدعمه، في ناس فرحانة وبتقولي شكرا إنك بتساعد أحمد، أنا مش بساعد أحمد، أنا بساعد نفسي كفنان وملحن ومطرب إن الوسط الفني لما يكون فيه صوت زي أحمد؛ بيرتقي بالوسط الفني كله، وده إحنا محتاجينه”.
واضاف رامي جمال: “وإني أساعد أحمد في مشواره الفني دي حاجة بسيطة وبساعد أحمد لما شوفت الفيديو قبل ما يطلع تريند لأن مش شخصيتي أعمل الحاجة علشان التريند، وبطمن كل الموهوبين أن لو ليك الفرصة ربنا هيكرمك زي أحمد بعد سنة ونص الفيديو انتشر، وربنا أراد أنه يتشاف وزي ما ربنا وقفني جنب أحمد هيوقفلكوا ناس وبشكر كل الناس اللي كلمتني وشركات الإنتاج اللي عوزين يقفوا معايا في مشروع أحمد”.
